एउटा समस्या भनेको परम्परागत राजनीतिक दलहरूलाई कसरी सहकार्य गरेर मिलेर काम गर्ने भन्ने थाहा नहुनु हो। उनीहरुको अझै पनि जताततै आफ्नो मान्छे हुनुपर्छ भन्ने सामन्तवादी मानसिकता छ र कुनै कुराको आवश्यकता पर्दा आफ्नो तथाकथित ‘कार्यकर्ता’ वा ‘झोले’हरूलाई बोलाउने चलन छ। नेपाल विवेकशील पार्टी, जसले  रूपान्तरणकारी मार्ग (radical centrism) को दर्शन बोकेको छ, यो सामन्तवादी व्यवस्था तोड्ने लक्ष्य राख्दछ। हामी समन्वय र सहकार्यमा विश्वास गर्छौं। यस विश्वव्यापी संसारमा, सबै तिर सहयोगीहरू र मित्र शक्तिहरु हुनुपर्दछ।

​​

यसका लागि हामीले ‘अभियान नेटवर्क’को यो नवीन अवधारणा सुरु गरेका छौं । जो कोहीले पनि भएको संजालमा सामेल हुन वा तपाईंको आफ्नै संजाल सिर्जना गर्न सक्छ। यसमा सहभागी हुनको लागि तपाई पार्टीको सदस्य हुनु आवश्यक छैन। यी संजालहरूले लगभग स्वायत्त रूपमा काम गर्नेछन् र टोलीहरूले आफ्नो 'अभियान संजाल'को लक्ष्य हासिल गर्न विभिन्न अभियान र कार्यक्रमहरू योजना र कार्यान्वयन गर्नेछन्।

​

विवेकशील पार्टीको एउटै शर्त भनेको हामी सबै सहभागीहरूलाई हाम्रा मूल्य मान्यताहरू पालना गर्न अनुरोध गर्दछौँ। हामी कुनै पनि हिंसाको विरुद्धमा छौँ। हामी प्रत्येक 'अभियान संजाल' बाट पारदर्शिता र जवाफदेहिताको माग गर्दछौँ। 

​

देश निर्माणको प्रक्रियामा सहभागी हुन हामीलाई सम्पर्क गर्नुहोस्। हामी सँगै सफल हुनेछौँ!